ຂ້ານ້ອຍເຊື່ອ!
(ບົດຮຽນທີ 2)
ຕົວຢ່າງຂອງຂວັນທີ່ພຣະເຈົ້າຊົງ
ປະທານໃຫ້ແກ່ທຸກຄົນທີ່ເຊື່ອ
ພວກຫຼານຄິດແນວໃດກ່ຽວກັບພຣະເຢຊູຄຣິດ?
ຖ້າພວກຫຼານເຊື່ອວ່າ ພຣະເຢຊູເຈົ້າໄດ້ຮັບການລົງໂທດສໍາລັບການບາບທຸກຢ່າງຂອງພວກຫຼານ ແລະ ເຊື່ອວ່າ ພຣະເຢຊູເຈົ້າໄດ້ສິ້ນພຣະຊົນ ແລ້ວກໍເປັນຄືນມາຈາກຄວາມຕາຍໃນວັນທີສາມ ພຣະເຈົ້າກໍໄດ້ປະທານຊີວິດນິລັນດອນໃຫ້ແກ່ພວກຫຼານແລ້ວ ພຣະອົງຍັງສັນຍາວ່າ ພຣະອົງຈະບໍ່ເອົາຊີວິດນິລັນດອນຄືນ.
ທີ່ຈິງແລ້ວ, ພຣະຄໍາພີໄດ້ສອນພວກເຮົາວ່າ ມີຫຼາຍກວ່າ 40 ຢ່າງທີ່ພຣະເຈົ້າປະທານໃຫ້ແກ່ພວກເຮົາ ຫຼື ເຮັດໃຫ້ພວກເຮົາ ເວລາທີ່ພວກເຮົາໄດ້ເຊື່ອໃນພຣະເຢຊູຄຣິດເຈົ້າວ່າ ເປັນພຣະຜູ້ໄຖ່ໃຫ້ພົ້ນຂອງພວກເຮົາ. ໃນໜ້າເວັບໄຊນີ້ກໍຈະໃຫ້ເບິ່ງ ຕົວຢ່າງ 12 ຂອງຂວັນຈາກພຣະເຈົ້າທີ່ໜ້າອັດສະຈັນ.
“ພຣະເຈົ້າ...ຜູ້ໄດ້ຊົງໂຜດປະທານພຣະພອນທຸກປະການຝ່າຍວິນຍານ ໃຫ້ແກ່
ເຮົາທັງຫລາຍໃນສະຫວັນສະຖານໂດຍພຣະຄຣິດ” (ເອເຟໂຊ 1:3)
“ເພື່ອພວກເຈົ້າຈະໄດ້ຮູ້ວ່າ ...ມໍຣະດົກຂອງພຣະອົງສຳລັບພວກໄພ່ພົນຂອງພຣະອົງນັ້ນ ມີສະຫງ່າຣາສີອັນອຸດົມສົມບູນພຽງໃດ” (ເອເຟໂຊ 1:18)
1. ເມື່ອພວກຫຼານເຊື່ອໃນພຣະເຢຊູຄຣິດ ພຣະເຈົ້າຊົງປະທານຄວາມຊອບທໍາອັນສົມບູນແບບຂອງພຣະອົງໃຫ້ແກ່ພວກຫຼານ.
“ສ່ວນຄົນທີ່ບໍ່ໄດ້ອາໄສການປະຕິບັດ (ເຊັ່ນ: ການເຮັດດີ ຫຼື ພິທີກໍາອື່ນໆຂອງສາສະໜາ) ແຕ່ໄດ້ໄວ້ວາງໃຈໃນພຣະອົງ (ຄື ພຣະເຢຊູຄຣິດເຈົ້າ) ຄວາມເຊື່ອຂອງຄົນນັ້ນ ກໍຖືໄດ້ວ່າ ເປັນຄົນຊອບທໍາ” (ໂຣມ 4:5)
2. ພວກຫຼານກາຍເປັນຄົນທີ່ສົມບູນແບບໃນສາຍຕາຂອງພຣະເຈົ້າ
ເພາະການທີ່ພວກຫຼານໄດ້ຮັບຄວາມຊອບທໍາອັນສົມບູນແບບຂອງພຣະເຈົ້າ ພວກຫຼານຈຶ່ງກາຍເປັນຄົນບໍ່ມີຄວາມຜິດໃນສາຍຕາຂອງພຣະອົງຕະຫຼອດໄປເປັນນິດ!
“ດ້ວຍເຫດນີ້ ເມື່ອພວກເຮົາໄດ້ຊົງຖືວ່າເປັນຄົນຊອບທຳ
ເພາະດ້ວຍຄວາມເຊື່ອແລ້ວພວກເຮົາຈຶ່ງມີສັນຕິສຸກກັບພຣະເຈົ້າ
ໂດຍທາງອົງພຣະເຢຊູຄຣິດເຈົ້າຂອງພວກເຮົາ” (ໂຣມ 5:1)
3. ພວກຫຼານໄດ້ຮັບຊີວິດນິລັນດອນ. ເພາະພວກຫຼານໄດ້ເຊື່ອໃນອົງພຣະເຢຊູຄຣິດພຣະເຈົ້າຊົງປະທານຊີວິດໃຫ້ແກ່ພວກຫຼານ ຕັ້ງແຕ່ເວລາທີ່ຫຼານໄດ້ເຊື່ອໃນພຣະຄໍາໂຢຮັນ 3:16 ພຣະເຈົ້າຂຽນໄວ້ວ່າ “ເພາະວ່າ ພຣະເຈົ້າຊົງຮັກໂລກຫລາຍທີ່ສຸດ ຈົນໄດ້ປະທານພຣະບຸດອົງດຽວຂອງພຣະອົງ ເພື່ອທຸກຄົນທີ່ວາງໃຈເຊື່ອໃນພຣະບຸດນັ້ນຈະບໍ່ຈິບຫາຍ ແຕ່ມີຊີວິດອັນຕະຫລອດໄປເປັນນິດ…...
“ດ້ວຍວ່າ, ນີ້ແຫຼະ ແມ່ນຄວາມປະສົງພຣະບິດາເຈົ້າຂອງເຮົາ ຄືໃຫ້ທຸກຄົນທີ່ເຫັນພຣະບຸດ ແລະເຊື່ອໃນພຣະອົງນັ້ນມີຊີວິດນິຣັນດອນ” (ໂຢຮັນ 6:40)
“ນີ້ແຫຼະ ເປັນພະຍານຫຼັກຖານນັ້ນ ຄືວ່າພຣະເຈົ້າໄດ້ຊົງໂຜດປະທານຊີວິດນິຣັນດອນໃຫ້ເຮົາທັງຫລາຍ ແລະຊີວິດນີ້ມີຢູ່ໃນພຣະບຸດຂອງພຣະອົງ” (1ໂຢຮັນ 5:11)
4. ເມື່ອຫຼານເຊື່ອໃນພຣະເຢຊູຄຣິດວ່າ ເປັນພຣະຜູ້ໄຖ່ໃຫ້ພົ້ນຂອງຫຼານ ຫຼານໄດ້ກາຍເປັນລູກໃນຄອບຄົວຂອງພຣະເຈົ້າ:
“ເພາະວ່າເຈົ້າທັງຫລາຍກໍເປັນບຸດຂອງພຣະເຈົ້າ ຮ່ວມໃນ
ພຣະຄຣິດເຈົ້າເຢຊູ ໂດຍທາງຄວາມເຊື່ອ” (ຄາລາເຕຍ 3:26)
ດັ່ງນັ້ນ ເພາະໂດຍພຣະເຈົ້າ ພວກເຈົ້າຈຶ່ງບໍ່ເປັນຂ້ອຍຂ້າຕໍ່ໄປ ແຕ່ເປັນບຸດ
ແລະຖ້າເປັນບຸດແລ້ວ ກໍເປັນເຈົ້າຂອງມໍຣະດົກ (ຄາລາເຕຍ 4:7)
5. ພຣະເຢຊູເຈົ້າໄດ້ຮັບການລົງໂທດສໍາລັບການບາບທຸກຢ່າງຂອງພວກຫຼານ ດັ່ງນັ້ນ ພຣະເຈົ້າຈະບໍ່ພິພາພາກຫຼານສໍາລັບການບາບທີ່ຫຼານໄດ້ກະທໍາ (ແຕ່ວ່າ ພຣະອົງຕີສອນຫຼານເມື່ອຫຼານໄດ້ເຮັດບາບເໝືອນດັ່ງພໍ່ຕີສອນລູກທີ່ດື້ດ້ານ ຊຶ່ງຂຽນໄວ້ໃນພຣະຄໍາພີ ເຮັບເຣີ 12:6-7)
ການພິພາກສາລົງໂທດຈາກພຣະເຈົ້າ
-
ການອວດຕົວ
-
ຄວາມຂົມຂື່ນ
-
ການແກ້ແຄ້ນ
-
ການກະບົດ
-
ຄວາມອິດສາ
-
ການຂະໂມຍ
-
ການບໍ່ເຊື່ອພໍ່ແມ່
-
ການຂີ້ຕົວະ
-
ການຫຼອກຫຼວງ
-
ການຂ້າຄົນ
-
ແລະ ສິ່ງອື່ນໆອີກຫຼາຍຢ່າງ
“ຜູ້ທີ່ວາງໃຈເຊື່ອໃນພຣະບຸດ ກໍບໍ່ຖືກຕັດສິນລົງໂທດ ແຕ່ຜູ້ທີ່ບໍ່ວາງໃຈເຊື່ອ
ກໍຖືກຕັດສິນລົງໂທດແລ້ວ” (ໂຢຮັນ 3:18)
“ບັດນີ້ ການລົງໂທດຈຶ່ງບໍ່ມີແກ່ຄົນທັງຫລາຍ ທີ່ຢູ່ໃນພຣະເຢຊູຄຣິດເຈົ້າ”
(ໂຣມ 8:1)
6. ຫຼານໄດ້ຮັບບັບຕິສະມາໂດຍພຣະວິນຍານບໍຣິສຸດ, ໝາຍຄວາມວ່າ ຫຼານໄດ້ເຂົ້າສ່ວນໃນພຣະເຢຊູຄຣິດ (ຄາລາເຕຍ 3:27, ເອເຟໂຊ 4:5)
7. ພຣະວິນຍານບໍຣິສຸດຈະເຮັດໃຫ້ຮ່າງກາຍຂອງຫຼານກາຍເປັນພຣະວິຫານຂອງພຣະເຈົ້າ: ໃນພຣະຄໍາ 1ໂກຣິນໂທ 3:16 ຂຽນໄວ້ວ່າ “ພວກເຈົ້າບໍ່ຮູ້ບໍວ່າ, ພວກເຈົ້າເປັນວິຫານຂອງພຣະເຈົ້າ ແລະ ພຣະວິນຍານຂອງພຣະເຈົ້າ ກໍສະຖິດຢູ່ໃນພວກເຈົ້າ”
8. ພຣະເຢຊູເຈົ້າຊົງສະຖິດຢູ່ໃນຮ່າງກາຍຂອງຫຼານ!
ເມື່ອໃດທີ່ຫຼານຍັງຊີວິດຢູ່ໃນໂລກນີ້ ພຣະເຢຊູເຈົ້າຈະຢູ່ກັບຫຼານຕະຫຼອດເວລາ ແມ່ນແຕ່ຢູ່ພາຍໃນໂຕຫຼານດ້ວຍ!
“ມີອົງພຣະຜູ້ເປັນເຈົ້າອົງດຽວ ມີຄວາມເຊື່ອດຽ ແລະມີບັບຕິສະມາດຽວ” (ເອເຟໂຊ 4:5)
“ເຮົາທັງຫລາຍໄດ້ຮັບບັບຕິສະມາ ໂດຍພຣະວິນຍານອົງດຽວ”
(1ໂກຣິນໂທ 12:13)
“ດ້ວຍວ່າ, ພວກເຮົາເປັນວິຫານຂອງພຣະເຈົ້າອົງຊົງຊີວິດຢູ່ ດັ່ງທີ່ພຣະເຈົ້າ
ໄດ້ກ່າວໄວ້ວ່າ... ແລະ ພວກເຂົາຈະເປັນໄພ່ພົນຂອງເຮົາ” (2ໂກຣິນໂທ 6:16)
9. ພຣະເຈົ້າພຣະບິດາຊົງສະຖິດຢູ່ພາຍໃນຫຼານເຊັ່ນກັນ! ຄວາມຈິງນີ້ໝາຍຄວາມວ່າ ພຣະເຈົ້າແຫ່ງຕີເອກະນຸພາບ (ຄື ພຣະເຈົ້າພຣະບິດາ, ພຣະເຈົ້າພຣະບຸດ ແລະ ພຣະເຈົ້າພຣະວິນຍານບໍຣິສຸດ) ໄດ້ສະຖິດພາຍໃນຮ່າງກາຍຂອງຫຼານ
“ມີພຣະເຈົ້າອົງດຽວຄື ພຣະບິດາເຈົ້າຂອງຄົນທັງປວງ [ຜູ້ທີ່ເຊື່ອທຸກຄົນ] ຜູ້ຊົງສະຖິດຢູ່ເທິງຄົນທັງປວງ, ທົ່ວຄົນທັງປວງ ແລະ ໃນຄົນທັງປວງ [ຜູ້ທີ່ເຊື່ອທຸກຄົນ]” (ເອເຟໂຊ 4:6)
10. ຫຼານໄດ້ຮັບວິນຍານຂອງມະນຸດ. ເມື່ອຫຼານໄດ້ເກີດມາໃນໂລກນີ້ ຫຼານມີທັງຮ່າງກາຍ ແລະ ຈິດໃຈ ແຕ່ເມື່ອຫຼານເຊື່ອໃນພຣະເຢຊູຄຣິດ ພຣະວິນຍານບໍຣິສຸດຊົງປະທານວິນຍານມະນຸດໃຫ້ຫຼານ ຊຶ່ງໄດ້ຮັບເພາະເຊື່ອ ນັ້ນແຫຼະຄື “ການບັງເກີດໃໝ່”
ພຣະເຈົ້າຊົງປະທານພຣະວິນຍານບໍຣິສຸດໃຫ້ຫຼານເພື່ອວ່າ ຫຼານຈະສາມາດມີຄວາມສໍາພັນກັບພຣະອົງຄື ສາມາດຮຽນຮູ້ຫຼັກຄໍາສອນພຣະຄໍາພີ, ເພື່ອຈະນະມັດສະການພຣະເຈົ້າໄດ້
“ພຣະເຈົ້າຊົງເປັນພຣະວິນຍານ ແລະຜູ້ທີ່ນະມັດສະການພຣະອົງ ຕ້ອງນະມັດສະການດ້ວຍຈິດວິນຍານ ແລະ ຄວາມຈິງ” (ໂຢຮັນ 4:24)
“ເຮົາບອກເຈົ້າຕາມຄວາມຈິງວ່າ, ຖ້າຜູ້ໃດບໍ່ໄດ້ບັງເກີດໃໝ່ ຜູ້ນັ້ນຈະເຫັນ
ອານາຈັກຂອງພຣະເຈົ້າບໍ່ໄດ້ ... ...ຜູ້ທີ່ເກີດຈາກເນື້ອໜັງກໍເປັນເນື້ອໜັງ
ແລະ ຜູ້ທີ່ເກີດຈາກພຣະວິນຍານກໍເປັນວິນຍານ” (ໂຢຮັນ 3:3,6)
“ພຣະອົງໄດ້ຊົງໂຜດເຮົາທັງຫລາຍໃຫ້ພົ້ນ ບໍ່ແມ່ນຍ້ອນກິດຈະການ
ອັນຊອບທຳທີ່ພວກເຮົາເອງໄດ້ເຮັດ ແຕ່ພຣະອົງໄດ້ຊົງພຣະກະລຸນາຊຳລະ
ໃຫ້ພວກເຮົາມີໃຈບັງເກີດໃໝ່ ແລະຊົງສ້າງພວກເຮົາຂຶ້ນໃໝ່
ໂດຍພຣະວິນຍານບໍຣິສຸດເຈົ້າ” (ຕີໂຕ 3:5)
11. ຫຼານເປັນປະໂຣຫິດໃນຄອບຄົວຂອງພຣະເຈົ້າບໍ່ແມ່ນບໍ! ເປັນປະໂຣຫິດທີ່ແທ້ຈິງ! ນັ້ນໝາຍຄວາມວ່າ ຫຼານສາມາດເວົ້າກັບພຣະເຈົ້າໄດ້ໂດຍກົງ (ຄຣິສຕຽນເອີ້ນວ່າ ການອະທິຖານຕໍ່ພຣະເຈົ້າ) ຕົວຢ່າງເຊັ່ນວ່າ ທຸກຄັ້ງທີ່ຫຼານໄດ້ເຮັດບາບ ຫຼານສາມາດກ່າວເຖິງບາບທີ່ໄດ້ກະທໍານັ້ນຕໍ່ພຣະເຈົ້າ ແລ້ວພຣະອົງສັນຍາວ່າ ຈະຍົກໂທດການບາບນັ້ນໃຫ້ຫຼານທັນທີ
“ຖ້າເຮົາທັງຫລາຍສາລະພາບຜິດບາບທັງຫຼາຍຂອງພວກເຮົາ ພຣະອົງ [ພຣະບິດາ] ຊົງສັດຊື່ແລະທ່ຽງທຳ ຈະຊົງໂຜດຍົກບາບຂອງພວກເຮົາ ແລະ ຈະຊົງໂຜດຊຳລະລ້າງເຮົາທັງຫລາຍຈາກການອະທຳໝົດສິ້ນ” (1ໂຢຮັນ 1:9)
“ພຣະອົງ [ພຣະເຢຊູຄຣິດ] ໄດ້ຊົງຕັ້ງເຮົາທັງຫລາຍ ໄວ້ໃຫ້ເປັນອານາຈັກ ແລະ ເປັນປະໂຣຫິດຂອງພຣະອົງ ພຣະກຽດ ແລະ ຣິດທານຸພາບ ຈົ່ງມີແດ່ພຣະອົງສືບໆໄປເປັນນິດ”
(ພຣະນິມິດ 1:6)
“…ເຈົ້າທັງຫລາຍ...ເປັນປະໂຣຫິດຫລວງ ເປັນປະຊາຊາດບໍຣິສຸດ ເປັນພົນລະເມືອງຂອງພຣະເຈົ້າ...” (1 ເປໂຕ 2:9)
12. ຊື່ຂອງຫຼານໄດ້ຖືກບັນທຶກໄວ້ແລ້ວໃນໜັງສືແຫ່ງຊີວິດ. ນີ້ແມ່ນສິ່ງໜຶ່ງທີ່ຮັບຮອງວ່າ ຫຼານຈະບໍ່ຖືກພິພາກສາລົງໂທດທີ່ບຶງໄຟນະຣົກ ແຕ່ຈະໄດ້ຢູ່ເທິງສະຫວັນຕະຫຼອດໄປ.
“…ແຕ່ຈົ່ງຊົມຊື່ນຍິນດີ ເພາະຊື່ຂອງພວກເຈົ້າໄດ້
ຈົດໄວ້ແລ້ວໃນສະຫວັນ” (ລູກາ 10:20)
“ຖ້າຜູ້ໃດທີ່ບໍ່ມີຊື່ຈົດໄວ້ໃນໜັງສືທະບຽນແຫ່ງຊີວິດ
ຜູ້ນັ້ນກໍຖືກຖິ້ມລົງໃນບຶງໄຟ.” (ພຣະນິມິດ 20:15)
ຈົ່ງເຊື່ອໃນອົງພຣະເຢຊູເຈົ້າ ແລ້ວເຈົ້າຈະໄດ້ພົ້ນ.
(ກິດຈະການ 16:31ກ)